مدونتى

فى البداية احب اتكلم و ادردش شوية عن الكلية و ظروفها و الطريق اليها اولا : انا كنت زى معظمكم كده مكنتش اعرف الكلية بتاعتنا دى و لا حتى كنت سمعت عنها قبل كده و كان كل املى زى كل الى لبس و دخل الكلية بتاعتنا اننا ندخل #هندسة و خاصة انى كنت بحب الرسم و كنت ناوى ابقى مهندس معمارى كمان ..عادى دى كانت اقصى طموحى فى الثانوية العامة و حاربت علشان اوصلها و برده موصلتلهاش على نص درجة بس ههههه… اركن كل ده على جنب و نبدا فى كليتنا ،، رحت اعمل التنسيق لقيت اول حاجة طلعتلى حاسبات و معلومات ? نعم احنا هنهزر انا عاوز هندسة مليش دعووة ? و سالت عن الكلية كل اما اسال حد يقولى معرفش يا ابنى الاسم ولا الكلية دى .. و ده بسبب ان كليتنا مش واخده حقها فى الدعاية المجتمعية زى هندسة و طب الخ،، و ده لان مجتمعنا بطبيعته متخلف تكنولوجيا و بيميل للحاجات التقليدية